طاہر صادق کامقابلہ کرنا کسی کے بس کی بات نہیں، حاجی اعظم پسوال 

فتح جنگ(نامہ نگار) تحریک انصاف میجر گر و پ کے سرکردہ رہنما سا بق چیئرمین یو سی جنگل حا جی محمد اعظم پسوال نے کہا ہے کہ میجر طاہر صادق ا یک حقیقت ہیں مقابلہ کی بات کرنے والے احمقوں کی جنت میں رہتے ہیں اپنے بیان میں انہوں نے کہا کہ این اے  49 سے میجر طاہر صادق اور این اے 50سے ایمان طا ہر صادق تحریک انصاف کے مضبوط ترین امیدوار ہونگے ضلع بھر کی صوبائی نشستوں پر بھی میجر طاہر کا حمایت یافتہ امیدوار ہی کامیاب ہو گا میجر طاہر صادق گروپ ضلع اٹک سے عمران خان کو 2018سے بھی بہتر نتائج دینے کی پوزیشن میں ہے منفی پراپیگنڈا کرنے والوں نے ہمیشہ پارٹی کو نقصان پہنچایا اور اب بھی پارٹی کو کمزور کرنے کی مذموم سازشیں کر رہے ہیں انہوں نے کہا میجر طاہر صادق اٹک کی سیاست کے ہیرو ہیں پی ٹی آئی میجر گروپ عمران خان کی آزادی مارچ کا ہراول دستہ ہوگا جس میں یونین کونسل جنگل کی عوام بھی بھر پور جوش وخروش کے ساتھ اپنے قائد میجر طاہر صادق او رامیدوار این اے 50محترمہ ایمان طاہر کے شانہ بشانہ ہونگے ۔