ٹریفک حادثات میںایک شخص جاں بحق،21زخمی

  میلسی،خانیوال ،جہانیاں،سکندرآباد(تحصیل  رپورٹر  ، نمائندہ خصوصی ،نامہ نگار) ٹریفک حادثات میںایک شخص جاں بحق،21زخمی ہوگئے۔میلسی سے تحصیل رپورٹر کے مطابق محلہ احمد رضا کالونی کا رہائشی محمد ناصر کھو کھر پرائیویٹ کمپنی میں سیلز مین تھا اور گذشتہ روز سپلائی کیلئے دوکوٹہ جارہا تھا کہ ملتان سے آنے والی تیز رفتار اے پی وین نے اسے ٹکر ماردی جس سے وہ موقع پر ہی دم توڑ گیا تاہم وین کا ڈرائیور فرار ہوگیا۔ خانیوال ،جہانیاں سے نمائندہ خصوصی ،نامہ نگارکے مطابق نجی کمپنی کی مسافر بس بہاول پور سے لاہور جا رہی تھی کہ اڈا پرویز والا پر تیز رفتاری کے باعث الٹ گئی جس کے نتیجے میں ڈرائیور سمیت 16مسافر زرینہ،عمران،جویریہ،وقاص،نسرین ،انیس ،اظہر ،ذیشان،زاہد،صادق عذرا بی بی جن کا تعلق لاہور،لودھراں،منڈی یزمان،ساہیوال اور صادق آباد سے ہے زخمی ہو گئے۔سکندرآباد سے نامہ نگار کے مطابق عبداللہ چوک کے قریب سواریوں سے بھرا رکشہ اچانک نہر میں جاگرا جس سے رکشے میں سوار یاسر‘ نسیم سمیت پانچ افراد شدید ز خمی ہوگئے ریسیکو نے موقع پر پہنچ کر زخمیوں کو طبی امداد کے بعد ہسپتال منتقل کردیا۔
حادثات