اسلام آباد (نمائندہ خصوصی) حکومت نے پٹرولیم مصنوعات کی قیمتوں میں کمی کا اعلان کر دیا۔ نوٹیفکیشن کے مطابق پٹرول کی قیمت 2 روپے 4 پیسے لٹر کمی کے بعد 281 روپے 34 پیسے لٹر ہو گئی۔ ڈیزل کی قیمت میں 6 روپے 47 پیسے لٹر کمی کی گئی ہے جس کے بعد نئی قیمت 296 روپے 71 پیسے فی لٹر مقرر کی گئی ہے۔ مٹی کے تیل میں فی لٹر 6 روپے 5 پیسے کمی کی گئی۔ لائٹ ڈیزل کی قیمت میں 9 روپے لٹر کمی کی گئی۔لائٹ ڈیزل کی نئی قیمت 180 روپے 45 پیسے فی لٹر مقرر کی گئی ہے۔ قیمتوں میں کمی کا اطلاق ہو گیا ہے۔