5منشیات فروش گرفتار‘پونے 6کلو چرس‘50لیٹر شراب برآمد

لاہور(نامہ نگار) لاہور پولیس جرائم پیشہ عناصر کے خلاف سرگرم عمل ہے۔ صدر ڈویژن پولیس نے5منشیات فروش گرفتار کر لئے۔ملزمان کو ستوکتلہ،سندر اور نواب ٹاون کے علاقوں سے گرفتار کیا گیا۔گرفتار ملزمان میں اشفاق، حمزہ،عامر مسیح،ہدایت مسیح اورنعمان علی شامل ہیں۔ملزمان سے 5 کلو 790 گرام چرس اور50 لیٹر شراب برآمدکی گئی۔داتا دربار پولیس نے دو رکنی موٹر سائیکل و رکشہ چور گینگ گرفتار کر لیا۔ گرفتار ملزمان میں اقبال اور اللہ رکھاشامل ہیں۔ملزمان سے 6 موٹر سائیکلیں، 1 رکشہ،غیر قانونی اسلحہ اور ماسٹر چابیاں برآمدکی گئیں۔