سموگ!24گھنٹے میں 56مقدمات ‘25افراد گرفتار‘448کو جرمانہ

لاہور(نامہ نگار)ترجمان پنجاب پولیس نے بتایا کہ گذشتہ 24 گھنٹوں میں لاہور سمیت مختلف اضلاع میں سموگ کریک ڈاؤن کے دوران 56 مقدمات درج کرتے ہوئے25 افرادکو گرفتار کیا گیا۔ 448 افراد کو8 لاکھ روپے سے زائد جرمانے عائد کئے گئے جبکہ 36 افراد کو وارننگ جاری کی گئی۔ گذشتہ روز فصلوں کی باقیات جلانے کی 13، زیادہ دھواں چھوڑنے والی گاڑیوں کی 357، صنعتی سرگرمی پر 08، اینٹوں کے بھٹوں کی 12 اور دیگر4 خلاف ورزیاں رپورٹ ہوئیں۔ زیادہ دھواں چھوڑنے والے 8147 گاڑیوں کے چالان، 766 کو بند کیا گیا۔