ننکانہ صاحب+ موڑکھنڈا + سانگلہ ہل (نامہ نگاران+ نمائندہ نوائے وقت) ٹریفک حادثات میں لڑکی سمیت دو افراد جاں بحق ہو گئے ۔ موڑ کھنڈا ہیڈ بلوکی روڈ پر وزیر پور چوکی کے قریب تیز رفتار ڈمپر اور موٹر سائیکل میں تصادم کے نتیجہ میں بیٹی جاں بحق اور میاں بیوی شدید زخمی ہوگئے حادثہ میں جاں بحق ہونے والی12 سالہ ملائیکہ جبکہ شدیدزخمی ہونے والوں میں 35 سالہ عبدالرزاق اور 33 سالہ نازیہ بی بی شامل ہیں مڑھ بلوچاں روڈ پر بسم اللہ رائس ملز کے قریب تیز رفتار موٹر سائیکل اور وین کے تصادم میں 25 سالہ موٹر سائیکل سوار نوجوان وقاص زخموں کی تاب نہ لاتے ہوئے زندگی کی بازی ہار گیا۔ ریسکیو 1122کے عملہ نے زخمی میاں بیوی کو ڈی ایچ کیو ہسپتال منتقل کر دیا ۔