گوجرانوالہ:سموگ تعطیلات ، 9 روز بعد میں آن لائن کلاسز شروع نہ کی جاسکیں

گوجرانوالہ(نمائندہ خصوصی)سموگ کی تعطیلات کے 9 روز بعد میں سکولوں میں آن لائن کلاسز شروع نہ کی جاسکیں۔سرکاری سکولوں اور کالجز میں انفراسٹرکچر اور نیٹ سروس کی عدم دستیابی آن لائن کلاسز کے اجراء  میں رکاوٹ بن گئی۔بتایا گیا ہے کہ سموگ کی شدت کے پیش نظر حکومت نے 7 نومبر سے گوجرانوالہ سمیت مخصوص اضلاع کے سکولوں اور کالجوں میں ہائیر سیکنڈری کلاسز میں چھٹیاں دے دی تھیں ۔ حکومت نے طلبہ و طالبات کے تعلیمی ہرج کے پیش نظر آن لائن کلاسز کے اجراء کی ہدایات جاری کی تھیں۔لیکن زیادہ تر سرکاری سکولوں اور کالجوں میں انفراسٹرکچر نہ ہونے سے 9 روز بعد بھی آن لائن کلاسز شروع نہیں کی جاسکیں جس کی وجہ سے طلبہ کا قیمتی وقت ضائع ہو رہا ہے۔