لاہور (نامہ نگار) ڈکیتی اور چوری کی متعدد وارداتوں میں شہریوں سے لاکھوں روپے  زیورات، موبائل فون، موٹر سائیکلیں، گاڑیاں اور دیگرسامان لوٹ لیا  گیا۔  ڈاکوؤں نے سمن آباد  میں ڈاکوئوں امجد کے گھر  گھس کر گن پوائنٹ پر 5لاکھ 62 ہزار روپے  زیورات، موبائل فون اور دیگر سامان، رائیونڈ سٹی میں مقصود اور اس کی فیملی 4 لاکھ10 ہزار روپے  زیورات اور موبائل فون، ڈیفنس میں سفیان سے ایک لاکھ 22ہزار روپے  زیورات اور دیگر سامان،گڑھی شاہو  میں مختارسے گن پوائنٹ پر 85 ہزار نقدی  موبائل فون، مسلم ٹاؤن  میں لیاقت سے 40 ہزار روپے ، موبائل فون، نصیر آباد میں عاصم سے  11ہزار اور موبائل فون لوٹ لیا اور فرار ہوگئے۔ ہنجروال  نامعلوم چوروں نے فرید کے گھر کے تالے توڑ کر 4لاکھ روپے  زیورات و دیگر سامان چوری کر لیا۔ چوروں نے گلبرگ، شاہدرہ اورگلشن اقبال  سے 3گاڑیاں جبکہ سمن آباد، رنگ محل، چوہنگ، اچھرہ، ٹاؤن شپ اور باغبانپورہ کے علاقوں سے موٹر 6سائیکلیں چوری کرلی ہیں۔