ڈاکو شہریوں سے نقدی، مو ٹر سائیکل اور موبائل فون چھین کر فرار 

اسلام آباد (اپنے سٹاف رپورٹرسے)چوری ، سٹریٹ کرائم اور سنیچنگ کی وارداتوں میں شہری نقدی، زیورات، قیمتی گھریلو سامان سے محروم ہو گئے تھانہ کھنہ کے علاقے میں دو مسلح نقاب پوش موٹر سائیکل سوار راہگیر سے نقدی، سونے کی انگوٹھی اور موبائل فون چھین کر فرار ہوگئے تھانہ کورال کے علاقے میں دو مسلح افراد گن پوائنٹ پر ایک شخص سے موٹر سائیکل، نقدی اور موبائل فون چھین کر فرار ہوگئے تھانہ شہزاد ٹائون کے علاقے میں ایک گھر کے تالے توڑ کر نقدی، طلائی زیورات ، قیمتی گھریلو سامان اور تین موبائل فون چوری کرلئے گئے تھانہ شالیمار کے علاقے میں گھر کے تالے توڑ کر نقدی، ایل سی ڈی ، قیمتی گھریلو سامان چوری کرلئے گئے ۔