زیادہ گندم اگائو مہم میںبارانی یونیورسٹی کے طلبا ء کو شامل کرنا انتہائی احسن قدم ہے، شاہد افتخار بخاری 

راولپنڈی(اپنے سٹاف رپورٹر سے)محکمہ زراعت توسیع راولپنڈی اور بارانی زرعی یونیورسٹی راولپنڈی کے طلبا کی مشترکہ زیادہ گندم اگاو مہم کے حوالے سے افتتاحی تقریب کا انعقاد کیا گیا۔اس تقریب سے خطاب کرتے ہوئے ڈائریکٹر زراعت توسیع راولپنڈی ڈویژن سید شاہد افتخار بخاری نے کہا کہ گندم کی زیادہ کاشت کے حوالے سے مہم مربوط طریقہ سے چلائی جارہی ہے۔حکومت پنجاب کا اس مہم میں بارانی زرعی یونیورسٹی کے طلبا کو شامل کرنا انتہائی احسن قدم ہے۔انہوں نے مزید کہا کہ اس قدم سے زراعت کے طلبا کو  اپنی صلاحیتوں کونکھارنے اور عملی کام میں مہارت  حاصل کرنے کا موقع ملے گا۔