لاہور (نمائندہ خصوصی + خبرنگار) ایف آئی اے کی بلڈنگ‘ ایلیٹ ٹریننگ سنٹر بیدیاں اور مناواں ٹریننگ سکول پر حملوں کے دوران مار جانے والے حملہ آوروں کے سامان سے خودکش جیکٹس‘ ہینڈ گرنیڈ‘ خودکار جدید اسلحہ‘ کھجوریں‘ بھنے ہوئے چنوں کے پیکٹ اور پانی برآمد ہوا ہے۔ آئی جی پنجاب کا کہنا ہے کہ اس سامان کو دیکھتے ہوئے ایسا محسوس ہوتا ہے کہ حملہ آور پولیس افسروں و ملازمین کو یرغمال بنانا چاہتے تھے مگر اپنے منصوبے میں کامیاب نہ ہو سکے۔ ایف آئی اے بلڈنگ سے ملنے والے ایک بیگ سے کلاشنکوف کے 7 میگزین‘ 4 ہینڈ گرنیڈ بھی برآمد ہوئے ہیں۔