کراچی (اے پی پی) سلطان جوہر جونیئر ہاکی ٹورنامنٹ میں شرکت کی تیاری کے سلسلے میں قومی کھلاڑیوں کا تربیتی کیمپ آج (منگل سے) ہاکی کلب سٹیڈیم کراچی میں شروع ہو گا۔ پاکستان ہاکی فیڈریشن (پی ایچ ایف ) کے مطابق رانا مجاہد علی کیمپ کمانڈنٹ ہوں گے، دانش کلیم اور انجم سعید کھلاڑیوں کو تربیت فراہم کریں گے جبکہ سید اسد عباس شاہ ٹیم ڈائریکٹر ہوں گے۔ یاد رہے کہ سلطان جوہرجونیئر ہاکی ٹورنامنٹ 11 سے 18 نومبر تک ملائیشیا میں کھیلا جائے گا۔