پنجاب کے مختلف علاقوں میں بارش کے بعد موسم میں تبدیلی آگئی اوردرجہ حرات میں کمی واقع ہوئی ہے۔ محکمہ موسمیات کا کہنا ہے کہ آئندہ چوبیس گھنٹوں کے دوران ملک کے بیشترحصوں میں موسم خشک رہے گا تاہم مالا کنڈ ڈویژن، کشمیراورگلگت بلتستان میں چند ایک مقامات پرگرج چمک کے ساتھ بارش کا امکان ہے۔ گزشتہ روزملک کے بیشترعلاقوں میں بارش سے موسم خوشگوارہوگیا تھا جبکہ مری میں بھی موسلادھار بارش کے بعد ٹھنڈ میں اضافہ ہوا ہے۔