پاکستان کے لیگ سپنر یاسر شاہ ٹیسٹ میچوں میں وکٹوں کی تیز ترین سنچری کرنے والے ایشیائی گیند باز بن گئے ہیں۔ دبئی میں ویسٹ انڈیز کیخلاف جاری ٹیسٹ میچ کے چوتھے روز یاسر شاہ نے ٹیسٹ میچوں میں 100 وکٹیں مکمل کیں۔ اس سے پہلے یہ ریکارڈ بھارتی گیند باز روی چندرن ایشون کے پاس تھا جنہوں نے18ٹیسٹ میچوں میں وکٹوں کی سنچری بنائی تھی جبکہ یاسر شاہ نے 17ویں میچ میں وکٹوں کی تیز ترین سنچری بنائی۔ واضح رہے ٹیسٹ میچوں میں وکٹوں کی تیز ترین سنچری کا ریکارڈ جورج لومین کے پاس ہے جنہوں نے 16 میچوں میں یہ کارنامہ سرانجام دیا۔