راولپنڈی(نیوز رپورٹر)ضمنی الیکشن میں مسلم لیگ ن کے کامیاب ہونیوالے امیدواروں سابق وزیراعظم شاہد خاقان عباسی،خواجہ سعد رفیق،سہیل کمڑیا ل ودیگر کو دل کی اتھا گہرائیوں سے مبارکباد پیش کرتے ہیں،عوام نے ضمنی الیکشن میں مسلم لیگ ن اورن لیگی قیادت پر بھرپوراعتماد کااظہارکرکے موجودہ حکمرانوں اوران کی نام نہا د عوام دشمن تبدیلی کیخلاف ووٹ دیا ہے ،تبدیلی کے دعویداروں کو دوماہ بعد ہی عوام میں اپنی مقبولیت کا اندازہ ہوگیا ہے ابھی توابتدا ہے آگے آگے دیکھئے ہوتا ہے کیا ان خیالات کااظہار مسلم لیگ ن کے رہنمائوں وممبران کینٹ بورڈرشید احمد خان ،ارشد محمودقریشی،الحاج خالد بٹ،ملک اظہرنعیم ،چیئرمین یوسی90ملک لیاقت حسین،ن لیگ یوتھ آرگنائزیشن کے رہنمائوں محمد ذوالفقار بھٹی اور نصراللہ ملک نے اپنے ایک مشترکہ بیان میں کیا،ن لیگی رہنمائوں کاکہنا تھا کہ مسلم لیگ ن آج بھی ملک کی بڑی سیاسی جماعت ہے اورضمنی الیکشن میں ثابت ہوگیا کہ ن لیگ کوجتنا دیوار کے ساتھ لگانے کی کوشش کی جائے گی وہ زیادہ ابھرکر سامنے آئیگی۔