بااثر افراد کی دھمکیوںکا نوٹس لیاجائے: شہزاد گوپانگ

خیرپور(نامہ نگار)خیرپور کے رہائشی میر محمدشہزادو گوپانگ نے کہاہے کہ نامعلوم افراد کی جانب سے انہیں گزشتہ ماہ سے ہراساں کرنے جھوٹے مقدمہ میں پھنساکر جعلی پولیس مقابلے میں قتل کرانے سمیت دیگر سنگین نتائج بھگتنے کی دھمکیاں دے رہے ہیں دھمکیاں دینے والوں کا تعلق شکار پور سے بتایا جاتا ہے۔پریس کلب کے سامنے انصاف کے لئے احتجاج کرتے کرتے ہوئے انہوں نے بتایاکہ ان کی کسی کے ساتھ کوئی دشمنی نہیں ہے وہ محنت مزدوری کرکے اپنے بچوں کی کفالت کرتا ہے ایسے میں انہیں جان سے مارنے اوران کی بیوی بچوں کو اغوا کرکے لے جانے کی دھمکیاں دینے والوں کے خلاف قانونی ایکشن لیتے ہوئے انہیں اور ان کے خاندان کو جانی و مالی تحفظ فراہم کیا جائے۔
الخدمت سینٹر کوٹری میں طبی کیمپ کوٹری (نامہ نگار)الخدمت میڈیکل سینٹر میں امراض اطفال کا مفت طبی کیمپ لگایا گیا جس میں سینکڑوں بچوںکو مفت ادویات اور ٹیسٹوں کی سہولت فراہم کی گئی۔ اس موقع پر ماہر امراض اطفال ڈاکٹر مقدس رضوی نے بچوں کے مفت ٹیسٹ اور الٹرا ساؤنڈ بھی کیے ۔ الخدمت سینٹر میں آرتھوپیڈک سرجن کا بھی تقرر کیا گیا ہے۔