ملتان ایئرپورٹ پر جدہ جانے والے ماں، بیٹے سے 900 گرام آئس ہیروئن برآمد

ملتان(صباح نیوز)اینٹی نارکوٹکس فورس (اے این ایف)نے ملتان ایئر پورٹ پر کارروائی کرتے ہوئے مسافر ماں بیٹے کے سامان سے 900 گرام آئس ہیروئن برآمد کر لی۔ اے این ایف نے نجی ایئرلائن کی پرواز پی کے 870 سے جدہ جانے والے ماں اور بیٹے کو ہیروئن برآمد ہونے پر گرفتار کر لیا،ملتان ائیر پورٹ پر اے این ایف کی تلاشی کے دوران فیاض حسین شاہ اور ان کی والدہ اقبال بی بی آئس ہیروئن نمکو کے پیکٹس میں چھپا رکھی تھی،تفتیش شروع کر دی گئی ۔