سرمد کھوسٹ نے اپنی فلم کو ملنے والا عالمی ایوارڈ کشمیریوں کے نام کر دیا

لاہور( کلچر ل رپورٹر)اداکار و ہدایتکار سرمد کھوسٹ نے اپنی فلم زندگی تماشہ کو ملنے والا عالمی ایوارڈ مظلوم کشمیریوںکے نام کر دیا ۔ فلم زندگی تماشہ کو جنوبی کوریا کے شہر بوسان میں فلم فیسٹول میں عالمی ایوارڈ سے نوازا گیا۔ اپنے ایک بیان میں انہوں نے کہا کہ فلم کوعالمی ایوارڈ ملنے پر بیحد خوشی ہے لیکن میں اپنی اس کامیابی کو دکھی دل کے ساتھ تقریباتین ماہ سے گھروںمیں نظر بند اپنے مظلوم کشمیری بھائیوں کے نام کرتا ہوں ۔ انہوںنے کہا کہ کشمیر سیاسی نہیں بلکہ انسانی حقوق کا معاملہ ہے۔