لاہور(نمائندہ سپورٹس +نمائندہ سپورٹس )نیشنل ٹی 20 کپ میں سندھ کی نمائندگی کرنے والے کرکٹر اعظم خان نے دعویٰ کیا ہے کہ جب ہٹ کروں گا تو گیند باونڈری کے باہر ہی جائیگی۔ مجھے اپنی صلاحیت پر بھروسہ ہے، جب ہٹ کروں گا تو گیند باونڈری کے باہر ہی جائے گی۔ سنچری کی پرواہ نہیں، ٹیم کی کارکردگی زیادہ اہم ہے، ہمیشہ کوشش ہوتی ہے ہٹس لگاوں۔ کافی دیر سے بڑی اننگز کھیلنے کی کوشش کر رہا تھا، یہ نہیں کہوں گا کہ ذاتی کارکردگی سے خوش ہوں۔ ذاتی کارکردگی اس سے بہتر کرسکتا ہوں، آئندہ کے میچز میں یہی کوشش ہوگی۔ٹونٹی کرکٹ میں بڑے نام سے زیادہ ٹیم کا کامبی نیشن اہم ہوتا ہے۔