مری(نامہ نگار خصوصی)تھانہ بیروٹ خورد گائوں ھوتردل ٹولوار سنگریڑی کل رات سے جنگل میں لگنے والی آگ کی لپیٹ میں گذشتہ دن بھی آگ تیزی پھیل رہی ہے جس سے نکلنے  والے دھویں کے باد ل آسمان سے باتیں کررہے ہیںجبکہ جنگلات میں آگ پھیلتی جا رہی ہے جسکے باعث کئی گائوں اس کی لپیٹ میں آنے کا خدشہ ہے لوگ اپنی مدد آپ کے تحت آگ پر قابو پانے کی کوشش کر رہے ہیں جس سے قیمتی درخت، مال مویشی کی خوراک بھی جل کر راکھ بن چکی ہے جبکہ جنگلی حیات بھی آگ میں جل چکی ہے اور پانی کی پائپ لائن بھی جل کر خاکستر ہو گئی ہے، محکمہ جنگلات اور مقامی لوگ مل کر بھی آگ پر قابو نہ پا سکے جس کی وجہ سے گائوں لورا سنگریڑی کی آبادی کو خطرات لاحق ہو چکے ہیں اگر اس آگ پر جلد قابو نہ پایا جا سکا تو یہ آگ پورے گاؤں کو لپیٹ میں لے لے گی جس سے انسانی جانوں کے علاوہ جنگلی حیات،قیمتی جڑی بوٹیوں سمیت مال مویشی کو جلنے کا خطرہ ہے اہلیان علاقہ نے آگ پر فوری قابو پانے کی اپیل کی ہے۔