پاکستان کرکٹ بورڈ نے انگلینڈ کرکٹ ٹیم کو دورہ پاکستان کی باضابطہ دعوت دے دی

لاہور( سپورٹس رپورٹر ) پاکستان کرکٹ بورڈ نے انگلینڈ کرکٹ ٹیم کو دورہ پاکستان کی باضابطہ دعوت دے دی ہے۔ چیف ایگزیکٹو وسیم خان نے انگلینڈ کرکٹ بورڈ کو گزشتہ ہفتے خط لکھا تھا۔پاکستان اور انگلینڈ کے بورڈز کے درمیان سیریز کے انعقاد کے لیئے بات چیت جاری ہے۔ ذرائع کا کہنا ہے کہ پی سی بی نے تین ٹی ٹونٹی میچز کے لئیے انگلینڈ کو دعوت دی گئی ہے۔ انگلش کرکٹ بورڈ کی جانب سے دورے کیلئے پی سی بی کی دعوت کی تصدیق کر دی گئی ہے۔ پاکستان میں انٹرنیشنل کرکٹ کی بحالی کیلئے ای سی بی اپنا کردار ادا کرے گا۔ ترجمان ای سی بی کا کہنا ہے کہ پی سی بی نے دو ہزار اکیس کے آغاز میں دورے کی دعوت دی ہے۔ آئندہ چند دنوں میں پی سی بی اور دیگر سٹیک ہولڈرز سے بات کرکے حتمی فیصلہ کریں گے۔ مجوزہ دورہ پاکستان سے قبل  سیکیورٹی اور حفظان صحت کے معاملات دیکھنا ہوں گے۔ اگلے برس 13 سے 20جنوری کے درمیان سیریز کی دعوت دی گئی۔ سیریز ایف ٹی پی کا حصہ نہیں ہے۔