انٹرکالجیٹ ویمن کرکٹ ٹورنامنٹ ،شاہ رکن عالم کالج کا میاب

 ملتان (جنرل رپورٹر)انٹرکالجیٹ ویمن کرکٹ ٹورنامنٹ شاہ رکن عالم کالج ملتان نے گورنمنٹ کالج ویمن ممتاز آباد کو شکست دے کر جیت لیا ڈائریکٹریٹ کالجز کے زیراہتمام ہونے والا انٹر تحصیل وومن کرکٹ چیمپئن شپ کا فائنل شاہ رکن عالم ویمن کالج اور ممتاز آباد ویمن کالج کے درمیان کھیلا گیا جو کہ شاہ رکن عالم کالونی ملتان نے 9 وکٹوں سے جیت لیا۔اس موقع پر تقریب منعقد ہوئی جس کی مہمان خصوصی مسز انیلا چوہدری پرنسپل گورنمنٹ کالج آف ہوم اکنامکس ملتان تھی اس موقع پر مسز عظمیٰ اسد ایونٹ منیجر۔مسز۔طیبہ سہیل مسزعائشہ ساجد۔ مسز سعدیہ حنیف بھی موجود تھی ۔معزز مہمان نے جیتنے والی ٹیم کالج فار ویمن شاہ رکن عالم کو کامیابی پر مبارکباد دی اور کہا کہ اس طرح کے مقابلہ جات سے خواتین کھلاڑیوں کے لیے حوصلہ افزائی کا باعث ہے مستقبل میں بھی اسی طرح مختلف کھیلوں کے مقابلہ جات کرایا کریں گے۔