گوجرہ: موٹروے زیادتی کیس، ملزم اور لڑکی کے درمیان موبائل پر رابطوں کی تصدیق 

 گوجرہ (این این آئی)گوجرہ کے قریب فیصل آباد موٹر وے پر کار میں لڑکی سے مبینہ زیادتی کیس میں جیو فرانزک کے دوران ملزم اور متاثرہ لڑکی کے درمیان موبائل فون رابطوں کی تصدیق ہوگئی۔ پولیس کے مطابق واقعے کا مقدمہ 11 اکتوبر کو لڑکی کی خالہ کی مدعیت میں درج کیا گیا جس کے بعد مرکزی ملزم سمیت دو ملزمان کو گرفتار کرلیا گیا ہے۔