لاڑکانہ/حیدرآباد/خیرپور(بیورو رپورٹ/نامہ نگاران) سندھ بھر میں چپ تعزیہ کے جلوس برآمد  ہوئے، لاڑکانہ میں بھی مرکزی چپ تعزیہ جلوس قافلہ اہلبیت امام بارگاہ چاردہ معصومین  سے برآمد ہوا جو اپنے روایتی راستوں سے ہوتا ہوا کھچی امام بارگاہ پہنچا جہاں جلوس میں مومنین سینہ کوبی کرتے ہوئے شہداء کربلا کو خراج عقیدت پیش کرتے رہے جبکہ جلوس کی گزر گاہوں پر سبیلوں سمیت نیاز لنگر کے انتظامات کیے گئے تھے، مرکرزی  چپ تعزیہ جلوس میں عزاداروں حسین کی بڑی تعداد شریک اور سیکیورٹی کے سخت انتظامات کیے گئے تھے، چپ تعزیہ جلوس میں شیبہ ذوالجناح سمیت علم پاک برآمد کیا گیا، پولیس کی جانب سے جلوس کی سیکیورٹی کے لیے بڑی تعداد میں اہلکاروں کو تعینات کیا گیا تھا۔