باندھی(نامہ نگار)سنی رابطہ کونسل شہید بینظیر آباد  کی اپیل پر نوابشاہ سٹی اور جام صاحب سمیت دیگر مقامات پر صحابہ کرام کی شان میں کی جانے والی گستاخیوں کے خلاف باندھی،دوڑ، قاضی احمد، سٹھ میل ،جام صاحب ،دولت پور اور نوابشاہ سمیت ضلع بھر میں یوم احتجاج منایا گیا جمعہ کے اجتماعات میں مذمتی  قراداد پاس کی گئی جمعہ کے اجتماعات سے خطاب کر تے ہوئے ضلعی رہنماوں حافظ محمد حنیف عثمانی، قاری محمد اکرم فاروقی، قاری منیر احمد حقانی، علامہ عامر فاروقی، مولانا ابراہیم  خلیل ،جعفر حسین جعفری،مولانا عبدالقیوم سومرو،سمیت دیگر نے کہا کہ ہم صحابہ و اہلبیت کی شان میں گستاخی کسی  بھی صورت برداشت نہیں کرینگے۔انتظامیہ صحابہ کرام کی شان میں ہونے والی گستاخیوں کے خلاف قانونی کاروائی کرتے ہوئے گستاخی کرنے والے ملزمان کے خلاف فوری  ایف آئی آر درج کرکے ملزمان گرفتار کرے۔