اسلام آباد(نا مہ نگار)انٹر بورڈ کمیٹی آف چیئرمین میں عشرہ رحمت للعالمین صلی اللہ علیہ والہ وسلم پورے مذ ہبی جوش و جذبے سے منایا جا رہا ہے۔ اس حوالے سے آئی بی سی سی نے گزشتہ ہفتے 10روزہ تقریبات کا اعلان کیا تھا اور اس سلسلے میں اب تک دو آن لائن ویبنار منعقد کروا چکا ہے اور گزشتہ روز روالپنڈی ویمن یونیورسٹی میں سیرت النبی صلی اللہ علیہ وسلم کی روشنی میں خواتین کی تعلیم کی اہمیت پر ایک سیمنار منعقد کروایا۔تقریب کا اہتمام انٹر یونیورسٹی کنسورشیم کے تعاون سے کیا گیا،تقریب کی مہمان خصوصی وجیہہ قمر،پارلیمانی سیکرٹری  برائے ہائیر ایجوکیشن اور پروفیشنل ٹریننگ، جب کے کلیدی خطاب،ریکٹر انٹر نیشنل اسلامک یونیورسٹی  اسلام آباد، پروفیسرڈاکٹر معصوم  یاسین زئی نے کیا۔مہمان خصوصی نے سیکرٹری آئی بی سی سی ، ڈاکٹر غلام علی ملاح اور وائس چانسلر، پروفیسرڈاکٹر انیلا کمال کی کاوشوں کو سراہا .