کراچی(اے پی پی)نیویارک اسٹرائیکر ابوظبی ٹی 10میں شامل ہونے والی 2نئی ٹیموں میں سے ایک ہے جو ٹورنامنٹ کے چھٹے سیزن میں سخت حریف بننے کا ارادہ رکھتی ہے، ٹیم نے اپنے ارادوں کے مطابق ''نمر'' کو اپنا مسکوٹ کے طور پر منتخب کیا ہے، ''نمر''عربی میں ''شیر''کو کہا جاتا ہے، نمر ایک طلب اور تحریک کی علامت بھی ہے جو ہر صورت اپنے نقوش چھوڑنے کی صلاحیت رکھتا ہے۔ ہفتہ کو یہاں موصولہ اطلاعات کے مطابق نیویارک اسٹرائیکرز نے یوراج سنگھ کو سرپرست کے طور منتخب کیا ہے۔ اس موقع پر نیویارک اسٹرائیکرز کے مالک ساگر کھنہ پرامید ہیں کہ ٹیم ٹورنامنٹ میں شیر کی طرح لڑتے ہوئے شاندار کھیل پیش کرے گی۔ نیویارک اسٹرائیکرز نے دوپاکستانی کھلاڑی وہاب ریاض اور اعظم خان کو اسکواڈ کا حصہ بنایا ہے۔ دیگر کھلاڑیوں میں کیرون پولارڈ، ایون مورگن، پال اسٹرلنگ، روماریو شیفرڈ، آندرے فلیچر، جورڈن تھامسن، کیسرک ولیمز، اظہار الحق نوید، ٹام ہارٹلے، محمد وسیم، نو پابریجا، محمد فاروق، عقیل حسین اور روی رام پال شامل ہیں۔ ابوظبی ٹی 10کا آغاز 23نومبر سے ہوگا جبکہ فائنل 4دسمبر کو کھیلا جائے گا۔