انگلش پریمیئر لیگ میں آرسنل 24 پوائنٹس کے ساتھ سرفہرست

لاہور(سپورٹس ڈیسک) انگلش پریمیئر لیگ میں آرسنل کی ٹیم ٹیبل پر 24 پوائنٹس کیساتھ پہلے نمبر پر براجمان ہے، دفاعی چیمپئن مانچسٹر سٹی کی ٹیم 23 پوائنٹس کیساتھ دوسرے اور ٹوٹنہم ہاٹسپر کی ٹیم 20 پوائنٹس کیساتھ تیسرے نمبر پر ہے۔آرسنل کی ٹیم نے 9 میچز میں سے 8 میں کامیابی کے بعد 24 پوائنٹس کیساتھ پہلی پوزیشن برقرار رکھے ہوئے ہے۔دفاعی چیمپئن مانچسٹر سٹی نے 9 میچ کھیل کر 7 میں کامیابی حاصل کی ہے اور وہ 23 پوائنٹس کیساتھ دوسرے نمبر پر ہے ۔ ٹوٹنہم ہاٹسپر کی ٹیم بھی 9 میچز کھیل چکی ہے اور وہ 6 میچز جیت کر 20 پوائنٹس کیساتھ تیسرے نمبر پر ہے۔چیلسی کی ٹیم 16 پوائنٹس کیساتھ چوتھے نمبر پر ہے، مانچسٹر یونائیٹڈ کی ٹیم 15 پوائنٹس کیساتھ پانچویں نمبر پر ہے، نیو کیسل یونائیٹڈ اور برائٹن اینڈ ہوو البیون کی ٹیمیں 14، 14 پوائنٹس کیساتھ بالترتیب چھٹے اور ساتویں نمبر پر ہیں۔