حادثات میں2بھائیوں سمیت 5افراد جا ں بحق ،20زخمی 

کوٹ ادو،منڈا چوک،خان گڑھ،ٹاٹیپور ،ٹبہ سلطان پور،سکندرآباد،خانیوال (نامہ نگار،نمائندہ خصوصی،خبر نگار،نمائندہ نوائے وقت) مختلف شہروں میں ہونے والے ٹریفک حادثات میں 5افراد جان کی بازی ہار گئے ،20زخمی ،تفصیلات کے مطابق کار سوار اسسٹنٹ ڈائریکٹر فوڈ چوہدری جاوید اقبال وڑائچ کو  تیز رفتار ٹرک نے  ٹکر ماردی جس سے وہ  موقع پر جاںبحق ہوگئے ریسکیو ٹیم نے حادثہ میں زخمیوں کو طبعی امداد فراہم کی نعش کو ہسپتال منتقل کردیا جبکہ کار سے نقدی رقم گیارہ لاکھ چونتیس ہزار ، موبائل و دیگر سامان مرحوم کے بیٹے شہریار کے سپرد کردئے۔منڈا چوک،خان گڑھ  سے نامہ نگار،نمائندہ نوائے وقت کے مطابق  تیز رفتار ڈمپر اور موٹر سائیکل کے درمیان تصادم ہوا ، جس کے نتیجے میں 18سالہ آصف جاں بحق ہو گیا ۔ ٹاٹیپور  سے نامہ نگارکے مطابق بدراو بستی کے 14سالہ علی جو کہ موٹر سائیکل چلا رہا تھا اس کے ساتھ 10سالہ بھائی ساجد انکی والدہ اور بہن ساتھ تھی شاہ حسین موڑ کے قریب سامنے سے آنے والے ٹریلر سے ٹکرانے سے علی موقع پر جاں بحق ہوگیا ساجد ہسپتال لیجاتے ہوئے راستہ میں دم توڑ گیا والدہ اور ہمشیرہ شدید زخمی  ہوگئیں ۔ٹبہ سلطان پور  سے نمائندہ خصوصی،نمائندہ نوائے وقت ،خبر نگار کے مطابق چک نمبر 122 ڈبلیو بی کے نزدیک ٹائر پھٹتے کے نتیجے میں کار ڈرائیور محمد انور موقع پر جاں بحق  ہو گیا جبکہ اس کا داماد محمد آصف اور اسکا بیٹا محمد قاسم اور بیٹی حریم جبکہ کار میں سوار ,دو خواتین گلنار بی بی اور سمیرا بی بی شدید زخمی ہوگئے ۔سکندرآباد سے نامہ نگارکے مطابق موٹروے ایم فائیو بستی داد انٹر چینچ کے قریب مسافر بس اور ٹرک کے تصاد م میں خواتین بچوں سمیت 11افراد شدید زخمی ہوگئے ۔خانیوال  سے نمائندہ خصوصی کے مطابق گزشتہ روز خانیوال کے نواحی علاقہ 18اے ایچ کے قریب تیز رفتارمزدا درخت سے ٹکرا گیا جس کے نتیجہ میں ڈرائیور اویس ممتاز زخمی ہوگیا۔