لاہور(سپورٹس رپورٹر ) بھارتی کمنٹیٹر روی شاستری نے پاکستانی فاسٹ باﺅلر شاہین شاہ آفریدی کو خراب پرفارمنس پر آڑے ہاتھوں لیتے ہوئے کہا کہ وہ وسیم اکرم نہیں ‘ انھیں زیادہ نہیں چڑھانا چاہیے۔ شاہین ایک اچھا باﺅلر ہے جو نئی گیند سے وکٹ حاصل کر سکتا ہے لیکن آپ کو یہ ماننا پڑےگا کہ اگر نسیم شاہ نہیں کھیل رہے اور پاکستان کی سپن باﺅلنگ کا معیار بھی کوئی خاص نہیں تو شاہین شاہ آفریدی کوئی وسیم اکرم نہیں ‘ اچھا باﺅلر ہے لیکن انھیں اتنا بھی چڑھانے کی ضروت نہیں۔ہمیں یہ ماننا ہوگا کہ وہ ایک عظیم کرکٹر نہیں ہے، اگر کوئی کرکٹر صرف اچھا ہے تو ہمیں اپنی تعریف صرف یہ کہنے تک محدود رکھنی چاہیے کہ وہ اچھا کرکٹر ہے۔