اسرائیل سے دوسری پرواز 235بھارتیوں کو لے کر نئی دہلی پہنچ گئی

نئی دہلی (اے پی پی)اسرائیل سےدوسری پرواز 235بھارتیوں کو لے کر نئی دہلی کے اندرا گاندھی بین الاقوامی ہوائی اڈے پہنچ گئی ہے ۔ بھارت کے نائب وزیر خارجہ راج کمار رنجن سنگھ نے میڈیا کو بتایا کہ اسرائیل میں پھنسے بھارتیوں کو واپس لانے کے لیے جمعرات کو شروع کیے گئے "آپریشن اجے" کے سلسلے میں اسرائیل سے دوسری پرواز 235 بھارتی شہریوں کو لے کر ہفتہ کو نئی دہلی پہنچ گئی ہے۔انہوں نے بتایا کہ پہلی پرواز 200سےزیادہ بھارتیوں کو لے کر جمعہ کو نئی دہلی میں اتری تھی۔تل ابیب میں بھارتی سفیر سنجیو سنگلا نے جمعرات کو کہا کہ بھارتی سفارت خانہ ہندوستانی شہریوں کی حفاظت اور بہبود کو یقینی بنانے کے لیے کام کر رہا ہے۔واضح رہے کہ اسرائیل میں تقریبا 18,000 بھارتی مقیم ہیں۔