سیف سٹی اتھارٹی نے بیوی پر تشدد کرنے والا شوہر گرفتارکرا دیا

لاہور(نامہ نگار)سیف سٹی اتھارٹی نے بیوی پر تشدد کرنے والا شوہر گرفتار کرا دیا ہے۔تفصیلات کے مطابق ورچوئل ویمن پولیس سٹیشن میں کالر نے شناخت خفیہ رکھتے ہوئے اطلاع دی کہ شوہر بیوی پر تشدد کر رہا ہے۔کالر نے بتایا کہ لڑائی جھگڑے کی آوازیں دور تک سنائی دے رہی ہیں۔15 پر کال موصول ہوتے ہی کیس کو ورچوئل ویمن پولیس سٹیشن ٹرانسفر کیا گیا۔ ورچوئل ویمن پولیس سٹیشن نے پولیس کو فوراً موقع پر روانہ کیا۔پولیس نے خاتون کو تحفظ فراہم کیا اور شوہر کو پولیس سٹیشن لے گئی۔شوہر کے معافی مانگنے پر متاثرہ خاتون نے مقدمہ درج نہ کرنے کی درخواست کی۔خواتین ایمرجنسی میں 15 پر کال کرکے 2 دباکر ورچوئل ویمن پولیس سٹیشن سے رابطہ کریں۔