لاہور(نامہ نگار) لاہور کے مختلف علاقوں میں ڈاکوئوں اورچوروں نے ڈکیتی ‘ چوری کی متعدد وارداتوں میں شہریوں سے لاکھوں روپے ‘ زیورات‘موبائل فون‘ موٹر سائیکلیں‘گاڑیاں دیگرسامان لوٹ لیا ۔ ڈاکوؤں نے جوہر ٹاؤن نصر اللہ کے گھر میں گھس کر اہلخانہ کو گن پوائنٹ پر یرغمال بناکر5لاکھ57 ہزار روپے ‘زیورات ‘موبائل فون دیگر سامان‘ہربنس پورہ میں نوازش اور اس کی فیملی سے ساڑھے 3 لاکھ‘ زیورات،نواں کوٹ میں حمید سے ایک لاکھ ‘موبائل فون،اقبال ٹاؤن میں نعمان سے 52ہزار روپے‘ موبائل فون،مانگا منڈی میں احسن سے50ہزار ‘ موبائل فون،گرین ٹاؤن میں ساجدسے 20 ہزار‘موبائل فون،مزنگ میں شاہد 18ہزار ‘ موبائل فون،کوٹ لکھپت میں معظم سے 7 ہزار روپے‘موبائل فون لوٹ لیا ۔چوروں نے راوی روڈ‘ ڈیفنس‘ گلبرگ اور باغبانپورہ 4 گاڑیاں‘سندر سے رکشہ جبکہ گڑھی شاہو،شفیق آباد، اسلام پورہ،شادباغ،مغلپور، مناواں اور باٹا پور سے7 موٹرسائیکلیں چوری کرلی ۔