راولپنڈی پولیس کی کارروائیاں،3 ملزمان گرفتار، منشیات برآمد

راولپنڈی(اپنے سٹاف رپورٹر سے)راولپنڈی پولیس نے 3 ملزمان گرفتار کرکے منشیات برآمد کر لی پیرودہائی پولیس نے کاروائی کرتے ہوئے 02 ملزمان چن ویز اور ولید سجاد کو گرفتار کر لیا، ملزم چن ویز سے 01 کلو 605 گرام چرس جبکہ ملزم ولید سجاد سے 01 کلو 250 گرام چرس برآمد ہوئی، واہ کینٹ پولیس نے کاروائی کرتے ہوئے ملزم محمد کبیر کو گرفتار کرکے ملزم سے 560 گرام چرس برآمد کی، ملزمان کے خلاف الگ الگ مقدمات درج کر لیے گئے، ایس ایس پی آپریشنزحافظ کامران اصغر کا کہنا تھا کہ گرفتار ملزمان کو ٹھوس شواہد کے ساتھ چالان عدالت کرکے قرار واقعی سزا دلوائی جائے گی، نوجوان نسل کی رگوں میں منشیات کا زہر اتارنے والے ملزمان قانون کی گرفت سے نہیں بچ سکتے۔