پولیس کے مطابق بہادر آباد کے علاقے دھوراجی کیمپ کے قریب نامعلوم افراد نے فائرنگ کرکے اٹھارہ سالہ نوجوان کریم اللہ کو ہلاک کردیا۔ پولیس کے مطابق واقعہ ٹارگٹ کلنگ کا نتیجہ ہو سکتا ہے۔ دوسری جانب شرافی گوٹھ میں فائرنگ سے ایک شخص ہلاک ہوگیا جس کی شناخت نہیں ہوسکی۔ ادھر قائد آباد کے علاقے نیومظفرآباد کالونی میں نامعلوم مسلح افراد کی فائرنگ سے اٹھتیس سالہ جمیل زخمی ہوگیا جسے جناح سپتال منتقل کردیا گیا ہے۔ کورنگی زمان ٹاؤن میں فائرنگ کے ایک اور واقعہ میں چھبیس سالہ محسن اور تیس سالہ عادل زخمی ہوگئے۔ پولیس نے فائرنگ کے واقعات کی رپورٹ درج کرکے تفتیش شروع کردی ہے۔