فلم میں انجلینا جولی نے ایلس کا کردار ادا کیا ہے جو انٹرپول کی ایجنٹ ہیں اورانھیں خطرناک مجرموں کو گرفتار کرنےکا ٹاسک دیا جاتا ہے۔ دوسری طرف اداکار جانی ڈیپ نے فرانک کا کردار نبھایا ہے جو ایک امریکی سیاح ہیں۔ یورپ کے دورے کے دوران فرانک کی ملاقات ایلس سے ہوتی ہے۔اوران دونوں کی ملاقات کے ساتھ ہی ایکشن کا ایک انوکھا کھیل شروع ہوجاتا ہے۔ فلم کی زیادہ ترعکسبندی پیرس اور وینس میں کی گئی ہے۔ دی ٹورسٹ دس دسمبر کو امریکہ کے سنیما گھروں میں نمائش کے لیے پیش کر دی جائے گی۔