لاہور(آئی این پی) اداکارہ صائمہ نور نے کہا ہے کہ عید الاضحی پر نمائش کیلئے پیش کی جانیوالی میری نئی فلم ”شرابی“ شائقین کو دوبارہ سینماﺅں کا رخ کرنے پر مجبور کر دیگی۔ مذکورہ فلم کی شوٹنگ کے دوران صائمہ نور نے کہا کہ شرابی میں میرے ساتھ شان اور دیگر فنکار بھی کام کر رہے ہیں اور جس طرح تمام فنکار محنت دکھا رہے ہیں میں دعوے سے کہتی ہوں کہ یہ فلم شائقین کو ایک بار پھر سینماﺅں کا رخ کرنے پر مجبور کر دیگی۔ انہوں نے کہا کہ میرا یہ یقین ہے کہ اگر معیاری فلمیں بنائی جائیں تو نہ صرف سینماﺅں بلکہ فلم انڈسٹری کو بھی آباد کیا جا سکتا ہے۔