تحریک انصاف کا سونامی آج چیچہ وطنی سے ٹکرائے گا، جلسے کیلئے پنڈال سج گیا، سٹیج بھی تیار، جلسہ گاہ اور اس کے اطراف کو تحریک انصاف کے پرچموں سے سجایا گیا ہے. کپتان کی تصاویر والے بڑے بڑے پوسٹرز آویزاں کئے گئے ہیں۔
جلسہ گاہ میں ہزاروں کرسیاں لگائی گئی ہیں جبکہ کارکنوں کی آمد کا سلسلہ بھی جاری ہے. پنڈال میں تحریک انصاف کے پارٹی ترانے کارکنوں کا جوش و جذبہ بڑھا رہے ہیں.
جلسہ گاہ میں خواتین اور میڈیا کے نمائندوں کیلئے الگ انتظام کیا گیا ہے.  عمران خان نے اپنے خطاب میں حکومت کے خلاف باؤنسرز کی بھرپور تیاری کر رکھی ہے، جلسہ گاہ میں پی ٹی آئی کی مرکزی اور صوبائی قیادت بھی موجود ہو گی. جلسے کیلئے سیکیورٹی کے انتہائی سخت انتظامات کئے گئے ہیں۔