راولپنڈی(نیوزرپورٹر)قائم مقام کمشنر راولپنڈی طلعت محمود گوندل نے 2017میں ملکی اور بین الاقوامی کھیلوں میںنمایاں کارکردگی دکھانے والے راولپنڈی ریجن کے کھلاڑیوں میں تعریفی اسناد، شلیڈز اور نقد انعامات تقسیم کئے ۔ انہوں نے کھلاڑیوں کی شاندار کاکردگی کو سراہا اور ان کو امن کا سفیر اور راولپنڈی کا فخر قرار دیااس موقع پر ڈسٹرکٹ آفیسر سپورٹس ملک وقار اور متعلقہ حکام بھی موجود تھے۔شیلڈیں اور انعامات 15کھلاڑیوں اور ایک کوچ میں جنھوں نے ٹیبل ٹینس، کرکٹ ، بیس بال، کبڈی، رگبی اور سنوکر میں بین الاقوامی اور ملکی مقابلوں میں نمایاں کار کردگی کا مظاہرہ کیا میں تقسیم کئے گے ۔ کھلاڑیوں میں سلیم عباس، فریال منہاس، عائشہ شرجیل، صنم یاسین، غزالہ باسط، ثوبیہ فریال، یاسمین اختر، معصومہ بشارت، سمیرہ ظہور، سعدیہ ملک، بابر میسح، فرخان ہاشمی، پرویز کیانی، کنزہ وحید اور شبیر رضا شامل ہیں جبکہ کوچ محمد اعجاز کو بھی سال کا بہترین کوچ قراردیا گیا کیونکہ انکے تربیت یافتہ کھلاڑیوں نے 2016-17میںسولہ میڈیلز حاصل کئے۔