لاہور (سپورٹس رپورٹر+نمائندہ سپورٹس)پاکستانی نژاد جنوبی افریقی کرکٹر عمران طاہرنے کہا ہے کہ مستقبل میں بھی ورلڈ الیون یا جنوبی افریقہ کرکٹ ٹیم کی جانب سے پاکستان کے دورے کا موقع ملا تو وہ ضرور پاکستان آئیں گے۔ ورلڈ الیون کے دورے کی بدولت پاکستان میں انٹرنیشنل کرکٹ کھیلنے کی خواہش پوری ہو گئی۔ ورلڈ الیون کا دورہ یاد گار رہے گا ،اس کی وجہ سے پاکستان کے گراونڈز پر بین الاقوامی کرکٹ کھیلنے کا موقع ملا۔انہیں لاہور میں پرانے دوستوں سے بھی ملنے کا موقع ملا۔
تما م کرکٹرز کا لاہور میں قیام خوشگوار ہے اور وہ یہاں بہت خوش ہیں۔انہوں نے کہا کہ وہ مستقبل میں بھی بین الاقوامی کرکٹرز کو پاکستان کے دورے کے لیے مثبت پیغام دیں گے۔