کراچی (سٹاف رپورٹر) سندھ کے تین وزراء نے چیئرمین بلاول بھٹو زرداری سے بلاول ہائوس میں ملاقات کی۔ اس موقع پر ناصر شاہ، امتیاز شیخ اور مکیش چاولہ نے اپنی وزارتوں کے حوالے سے بریفنگ دی۔ بلاول نے کہا سندھ کے عوام کی بھرپور خدمت کرنی ہے۔ عوام کو سہولیات مہیا کرنے کی لئے جامع حکمت عملی اپنائی جائے۔ بلاول نے مزید کہا سندھ سے غربت کے خاتمے کے لئے مزید اقدامات اٹھانے پڑینگے۔ مستقبل میں سندھ پورے ملک کو بلا تعطل بجلی فراہم کرے گا۔