سیرینا ہوٹلز نمائشی رگبی میچ میں اسلام آباد نے پنجاب کو ہرا دیا

اسلام آباد ( سپورٹس رپورٹر) اسلام آباد اور پنجاب کی ٹیموں کے مابین کھیلا گیا نمائشی رگبی میچ اسلام آباد کی ٹیم نے جیت لیا۔ یہ نمائشی میچ" انٹرنیشنل اوور ڈوز اویرنس ڈے "کے سلسلے میںکریم خان آفریدی ویلفیئر فائونڈیشن کے زیر اہتمام اور سیرینا ہوٹلز کے اشتراک سے کھیلا گیا۔ اس موقع پر وفاقی وزیر برائے انسانی حقوق شیریں مزاری مہان خصوصی تھیں۔ وفاقی وزیر شریں مزاری نے کہا کہ ہماری حکومت منشیات کے استعمال کی حوصلہ شکنی جاری رکھے گی تاکہ ہماری نوجوان نسل کو اس لعنت سے دور کھا جا سکے۔ انہوں نے کہا ہم کھیلوں کی بھر پور سرپرستی کریں گے تاکہ نوجوان نسل صحت مندانہ سرگرمیوں میں مشغول رہے۔ سیرینا ہوٹلز کے سی ای اوعزیز بولانی نے کہا کہ سیرینا ہوٹلز کی انتظامیہ اپنے سپورٹس ڈپلومیسی انیشی ایٹیو کے تحت کھیلوں کے مقابلوں کی بھرپور سرپرستی کر رہی ہے ۔۔میچ کے اختتام پر وفاقی وزیر نے ٹیموں میں ٹرافیاں تقسیم کیں۔ اسلام آبادسیرینا ہوٹل کے جنرل منیجر نے مہمان خصوصی کو سووینیئرپیش کیا۔