پاکستانی پیارکرنیوالے ہیں‘ دورے پرگرمجوشی سے استقبال ہوا: سربراہ نیشنل کانگرس

نئی دہلی (انٹرنیشنل ڈیسک) نیشنل کانگریس پارٹی کے سربراہ شردپوار نے کہا ہے کہ پاکستانی بہت پیار کرنے والے اور وہاں محبت دینے والے لوگ بستے ہیں اور جب وہ پاکستان کے دورے پر گئے تھے تو ان کا استقبال بڑی گرمجوشی سے کیا گیا تھا۔ شردپوار نے کہا کہ بھارت میں پاکستان کے متعلق جتنا بھی منفی پروپیگنڈا کیا جاتا ہے اس کی پشت پر سیاسی مقاصد ہوتے ہیں۔ بھارت میں پاکستان سے متعلق انتہائی غلط رائے پائی جاتی ہے حقیقیت میں ایسے بیانات پاکستان کے حقیقی حالت سمجھے بغیر محض سیاسی فوائد کے لئے دیئے جا رہے ہیں۔