لاہور(سپورٹس ڈیسک) جنوبی افریقہ اور انڈیا کے مابین ٹی ٹوئنٹی سیریز کا پہلا میچ ایک بھی گیند کھیلے بغیر بارش کے باعث ختم کردیا گیا ہے۔جنوبی افریقہ کی ٹیم تین ٹی ٹوئنٹی میچز پر مشتمل سیریز کھیلنے کیلئے بھارت میں موجود ہے ۔ دھرم شالہ میں ہونیوالے میچ سے پہلے ہی موسلا دھار بارش شروع ہوگئی جو کئی گھنٹوں کے انتظار کے بعد بھی ختم نہ ہوسکی۔ مسلسل بارش کے باعث دونوں ٹیموں کے مابین ٹاس بھی نہ ہوسکا اور آفیشلز نے میچ کو ختم کردیا۔ سیریز کا اگلا میچ 18 ستمبر کو چندی گڑھ میں کھیلا جائے گا۔