لاہور ( نمائندہ سپورٹس ) پاکستان رگبی یونین کے زیراہتمام 24 ویں نیشنل سیونز رگبی چیمپئن شپ پاکستان آرمی نے جیت لی، فائنل میں دلچسپ مقابلے کے بعد ایئرفورس کو 5-0 سے جیت لی۔ پاکستان رگبی اکیڈمی لاہور کینٹ میں دو روزہ ٹورنامنٹ میں 12 ٹیموں نے حصہ لیا۔آرمی، ایئرفورس، واپڈا اور ریلوے نے سیمی فائنلز کیلئے کوالیفائی کیا تھا۔تیسری چوتھی پوزیشن کے میچ میں واپڈا نے ریلویز کو 50-0 سے ہرا کر تیسری پوزیشن حاصل کی دونوں ٹیموں کے کھلاڑیوں نے بہترین کھیل کا مظاہرہ کیا۔ آرمی کی ٹیم کھیل پر چھائی رہی۔ایئرفورس کی ٹیم نے کچھ اچھے موو بنائے مگر ناکام رہے۔ نیشنل گیمز 2019ء پشاور کیلئے چاروں صوبوں کے علاوہ آرمی، ایئرفورس، واپڈا اور ریلویز نے کوالیفائی کرلیا۔ چیئرمین پاکستان رگبی یونین فوزی خواجہ کا کہنا تھا کہ پورے پاکستان سے اتنی بڑی تعداد میں ٹیموں کی شمولیت رگبی کی مقبولیت کا منہ بولتا ثبوت ہے۔