کراچی(نیوز رپورٹر) سرسید یونیورسٹی آف انجینئرنگ اینڈ ٹیکنالوجی کے شعبہ ریاضی اور باکو انجینئرنگ یونیورسٹی ، آزربائیجان کے شعبہ ریاضی کے باہمی اشتراک سے  17؍ستمبر کو سہہ پہر3:00 بجے فرنٹیئرز اِن میتھمیٹکس کے موضوع پر ایک ای سیمینار کا انعقاد  ہوگا جس میں  معروف ریسرچ  اسکالرز کے مقالے پیش کئے جائیں گے۔مقررین میں باکو یونیورسٹی آزربائیجان  کے پروفیسر ڈاکٹر راکِب ایفینڈیف Rakib Efendieve    اور سرسید یونیورسٹی  کے  پروفیسر ڈاکٹر راشد کمال انصاری  شامل ہیں۔سمینار کا مقصد دونوں جامعات کے مابین تعاون کو فروغ دینا ہے تاکہ تحقیق و معلومات میں مختلف زاویوں سے وسعتیں پیدا ہوں۔