لاہور(لیڈی رپورٹر)تحریک انصاف شعبہ خواتین سنٹرل پنجاب کی صدر روبینہ شاہین نے کہا ہے کہ تحریک انصاف کنٹونمنٹ بورڈ کے انتخابات میں واضح کامیابی حاصل کی ہے اور ملکی سب سے بڑی جماعت بن کر ابھری ہے، میں پارٹی خواتین کا شکریہ ادا کرتی ہوں جنہوں نے کنٹونمنٹ بورڈ کی انتخابی مہم میں بڑ ھ چڑھ کر حصہ لیا ، پی ٹی آئی خواتین ونگ پارٹی کا مضبوط ور فعال ونگ بن چکا ہے، کنٹونمنٹ بورڈ کی عوام نے عمران خان کی قیادت پر بھرپور اعتمادکا اظہار کیا۔ انہوںنے ان خیالات کااظہار پارٹی سیکرٹریٹ میں گورننگ باڈی کے اجلاس سے خطاب میں کیا۔