لاہور ( کلچرل رپورٹر) ایگزیکٹوڈائریکٹر لاہور آرٹس کونسل الحمراء محمد رفیع اللہ نے الحمراء کلچرل کمپلیکس قذافی سٹیڈیم کا اچانک دورہ کیا۔محمد رفیع اللہ نے الحمراء کلچرل کمپلیکس میں صفائی و ستھرائی کے ناقص انتظامات پر برہمی کا اظہار کیا۔محمد رفیع اللہ نے الحمراء اکیڈمی آف پرفارمنگ آرٹس کے انتظامات کو بھی ناکافی قرار دیتے ہوئے  الحمراء اکیڈمی آ ف پرفارمنگ آرٹس کلچر ل کمپلیکس کی تزئین و آرائش کے احکامات جاری کئے۔ انہوں نے غیر حاضر سٹاف کیخلاف قواعد و ضوابط کے مطابق ایکشن لینے کی ہدایات دیتے ہوئے کہا کہ تمام  افسران وملازمین اپنی بروقت حاضری یقینی بنائیں۔محمد رفیع اللہ نے الحمراء آرٹ میوزیم،الحمراء اکیڈمی کے کلاس روم ودیگر تما م شعبے دیکھے اور کہا کہ آرٹ لور کی سہولت کیلئے الحمراء آرٹ میوزیم ہفتہ اور اتوار کو بھی کھلا رکھا جائیگا۔