میانوالی (نامہ نگار) جوہر آباد میانوالی روڈ ھڈالی کچی پل کے قریب ڈمپر نے کار کوکچل دیا۔ کار سوار میاں بیوی، ڈرائیور سمیت جان بحق ہو گئے۔ بیٹا اور بہو شدید زخمی ہوئے۔ جاںبحق ہونے والوں میں73سالہ ضیاء اللہ گیلانی  ساکن محلہ محمد علی پارک جڑانولا فیصل آباد، اس کی اہلیہ فرخندہ، اور ان کا کار ڈرائیور عاقب ساکن گلستان کالونی ملت چوک فیصل آباد شامل ہیں۔ زخمیوں میں ضیاء اللہ  کا بیٹا شاہ زبیر اور بہو رحمین فاطمہ شدید زخمی ہوگئے۔