راولپنڈی (اپنے سٹاف رپورٹر سے) چیف ٹریفک آفیسر راولپنڈی نوید ارشاد کی ہدایات پر عمل کرتے ہوئے ڈیوٹی آفیسرہیڈ کواٹر محمد وسیم نے17ستمبر بروزہفتہ کو چہلم شہدائے کربلا کے سلسلہ میں نکالے جانے والے جلوسوں کےلئے ٹریفک پلان جاری کردےا جس کے مطابق چہلم شہدائے کربلا کےلئے ضلع راولپنڈی میں 12جلوس نکالے جائیں گے جن میں 5رورل ایریا جبکہ7جلوس راولپنڈی شہر سے نکالے جائیں گے راولپنڈی میں چہلم شہدائے کربلا کے موقع پر ٹریفک پولیس کے236سے زیادہ اہلکار خصوصی ڈیوٹی کے فرائض سر انجام دیں گے۔ جلوس کے اوقات میں 12مقامات پر ٹریفک ڈائیورشن لگائی جائے گی جس میں لیاقت روڈ( ڈی اے وی کالج چوک سے فوارہ چوک تک بند رہے گی)،سٹی صدر روڈ(مشرق ہوٹل سے فوارہ چوک تک)،کشمیری بازار روڈ(ناولٹی سینما سے فوارہ چوک تک)گنجمنڈی روڈ (تھانہ گنجمنڈی ٹرن سے فوارہ چوک تک )باغ سرداراں روڈ ( چونگی نمبر 4سے بانسا نوالہ چوک تک )بنی چوک (سرکلر روڈ ،وارث خان روڈ ، کوہاٹی بازار )اقبال روڈ ( کمیٹی چوک سے فوارہ چوک تک ) گارڈن کالج روڈ(اکبر انٹرنیشنل سے نیا محلہ تک)5thروڈ(رحمان آباد ٹرن مری روڈ کالج چوک سید پورروڈ تک)4thروڈ(پنجاب بینک گول چکر سے کالی ٹینکی چوک تک)اور اصغر مال روڈ(اصغر مال ٹرن مری روڈ تا ڈگری کالج چوک تک)بوقت جلوس بندرہیں گے۔